თბილისის საკრებულოს ისნის რაიონის მაჟორიტარი დეპუტატის ნინო ლაცაბიძის ინიციატივით, ახალგაზრდული ორგანიზაცია ,,ინიციატორი“და "ას ჯორჯია" - "დირსის" მხარდაჭერით, ბარბარობასთან დაკავშირებით ბერი გაბრიელ სალოსის ქუჩაზე მდებარე წმ. ბარბარეს ეკლესიის ტერიტორიაზე არსებულ სკვერში ღონისძიებები გაიმართა. 
როგორც ცნობილია, წმინდა ბარბარე ბავშვების შემწეა და გადაწყდა, რომ სწორედ ამ ადგილზე ბავშვებისთვის  სხვადასხვა გასართობი კუთხე და ატრაქციონები მოწყობილიყო და პირველად ეს დღესასწაული სახალხოდ აღნიშნულიყო.
ასევე, ღონისძიების ფარგლებში სკვერში უფასოდ გაიცა ტკბილეული. დამზადდა ლობიოც, რომელიც ბარბარობის დღისთვის ტრადიციული კერძია.