26 ოქტომბერს, ქ.თბილისის მერიის ორგანიზებით, ზურაბ წერეთლის თანამედროვე ხელოვნების მუზეუმში წიგნის - „თბილისის საპატიო მოქალაქეები“ პრეზენტაცია გაიმართა. კრებული, რომელიც საპატიო თბილისელების ბიოგრაფიასა და ღვაწლს აღწერს, კომპანია „AS Georgia-ს“  საჩუქრად გადაეცა.  

„AS Georgia-ს“ დამფუძნებელს და  „AS Investment Group" -ის დირექტორს, შაჰინ არიფ ოღლი მოვსუმოვს, წლებია, თბილისის მერიამ მადლიერების ნიშნად, თბილისის საპატიო მოქალაქის წოდება მიანიჭა. წიგნში ასახულია მისი ღვაწლი ქალაქის წინაშე, ასევე, თბილისის ყველაზე მასშტაბური პროექტის- „დირსის“ საცხოვრებელი კომპლექსის  კონცეფცია. 

გამოცემაში „თბილისის საპატიო მოქალაქეები“, რომელიც თბილისის მერის ინიციატივით გამოიცა, მოთხრობილია ყველა იმ ადამიანის დამსახურება, რომელთაც თბილისის საპატიო მოქალაქის წოდება 1979 წლიდან 2016 წლის ჩათვლით მიენიჭათ.