5 იანვარს, „დირსის“ საცხოვრებელ კომპლექსში საახალწლო ღონისძიება გაიმართა. კომპლექსის მცხოვრებლებსა და მოწვეულ სტუმრებს ზღაპრულ, საახალწლო გარემოში უმასპინძლეს. მთელი დღის განმავლობაში გაიმართა საბავშვო გასართობი აქტივობები: თოვლის ბაბუასთან სტუმრობა, ელფები, პატარებისთვის საყვარელი გმირები, ჯადოსნური სანახაობა, ოჩოფეხების, დრამერების შოუ, პოპულარული ჯგუფის „რეზო და ბავშვების“ კონცერტი და სხვა.

„დირსის“ საახალწლო ღონისძიებაზე გათამაშდა გრანდიოზული პრიზები, რომელთა მოგების შანსი ჰქონდათ მათ, ვინც დეკემბერში “დირსის” კომპლექსში ბინა შეიძინა. გათამაშების წესების მიხედვით გამარჯვება მოიპოვეს იმ მონაწილეებმა, რომლებმაც განძის ძიებისას ამოხსნეს მოცემული ლოგიკური ამოცანები და დაძლიეს სირთულეები.

სახალისო და საინტერესო განძის ძიების შემდეგ გამოვლინდნენ გამარჯვებულები: ანა ტოჩილაშვილი Toyota Corolla-ს მფლობელი გახდა, ბექა დვალიშვილს ტექნიკის 5000 ლარიანი ვაუჩერი, თამარ შამანაურს ავეჯის 5000 ლარიანი ვაუჩერი, სუბილ კუმარი-iPhone X, მათე ხეჩიკაშვილს Macbook, დიანა ღვინიაშვილს საგზური ევროპაში, ნინო მიქელაძეს საგზური აზიაში, რუსუდან კვანჭახაძეს ტური საქართველოში (სასტუმრო„პარაგრაფი“ 5*), რეზა ვალიზადეს სამზარეულოს ვაუჩერი ერგოთ. დანარჩენ 58 მონაწილეს, რომლებმაც დეკემბრის თვეში შეიძინეს ბინა, „დირსისგან“ სიმბოლური საჩუქრები გადაეცათ.

„დირსის“ საახალწლო ღონისძიებას დაესწრნენ ისნის რაიონის, საკრებულოს დეპუტატები: , ნინო ლაცაბიძე, ვახტანგ შაქარიშვილი, ირაკლი ზარქუა, რაიონის გამგებელი კახა ლაბუჩიძე, სოციალურად დაუცველ ბავშვებთან ერთად და არასამთავრობო ორგანიზაცია, მარტოხელა დედათა და ბავშვთა ასოციაცია „მომავლის მზის“ ამავე რაიონის წევრები.

კომპანია „ას ჯორჯიას“ დირექტორმა ბესო ჯიქურაულმა უმასპინძლა სპეციალურ სტუმრებს, გამარჯვება მიულოცა გათამაშების იღბლიან მონაწილეებს და აღნიშნა- „ჩვენ ყველაფერს გავაკეთებთ იმისთვის, რომ “დირსის” საცხოვრებელი კომპლექსის მობინადრეებმა საუკეთესო გარემოში იცხოვრონ. „დირსი” ტრადიციულად ყოველ წელს მასშტაბურად აღნიშნავს ახალ წელს, მრავალფეროვანი ღონისძიებებით ანებივრებს მცხოვრებლებს, მოწვეულ სტუმრებს და ეს ტრადიცია აუცილებლად გაგრძელდება."